эскадралық миналы кеме

(Эскадренный миноносец)

қарсыластың ірі кемелері мен сүңгуір қайық-тарын жою, өз жағының ірі кемелерінің теңізден өту және ұрыс кезіндегі қауіпсіздігін сақтау, мина қою және т.б. міндеттерді орындауға арналған соғыс кемесі. Алғаш рет 1904—1905 жылдары орыс-жапон соғысында пайда болды, ал Екінші дүниежүзілік соғыс жылдарында көптеген елдердің әскери-теңіз флотындағы ең көп кемелерге айналды. Қазіргі кезде Э.м.к-лердің салмағы, негізінен, 2500—4500 т (АҚШ-та кейбіреулері 8,5 мың т-ға дейін); жылдамдығы сағатына 61—67 км-ге дейін, калибрі 130 мм-ге дейін 2—4 зеңбірекпен, 2—4 құбырлы аппаратты торпедалы қарумен, сүңгуір қайықтар мен кемелерге қарсы ракеталы-зенитті қондырғылармен қаруланған; 1—2 тікұшақты алып жүре алады, радиолокациялық, гидроакустикалық және т.б. аппараттармен жарақталған.